Joint ASEAN Consultation, iha Dili

Dili - Iha Segunda loron 30 Maio 2011, Ministériu Negósius Estranjeirus  hamutuk ho’o Ministério Finansan , no mós asisténsia husi  Institutu Banku Dezenvolvimentu Aziatiku  no  Banku Dezenvolvimentu Aziatiku, sei halo Sorumutu  Joint ASEAN Consultation , iha Dili

Tuir karta komunikado ba imprensa neebe Gabineti MNE via internet ba Jornalista sira haktuir katak, sorumutu ida ne’e iha objektivu atu fahe informasaun  iha areas dezenvolvimentu ekonomiku iha ASEAN nia membrus sira hotu, ne’ebe inklui Timor-Leste.

Ministériu Negosius Estranjeirus sei fahe  informasaun ho objektivu preparasaun hodi Timor-Leste tama iha ASEAN.

Dr. Marciano da Silva, Diretor  Jeral ba Integrasaun Rejional, Ministériu Negósius Estranjeirus,  komenta kona ba sorumutu ne’e hateten katak “  Join Konsultation  sei buka liu liu iha ASEAN, benefisius ne’ebe Timor-Leste  sei hetan , no dezafius ne’ebe  Timor-Leste sei hasoru wainhira  tama ASEAN”. Dr Marciano da Silva mos hateten katak :” Eventu ne’e  hanesan parte hodi halo governo no instituisoins estadu nian no mos grupos sira ne’ebe interesadu haré importansia  kona ba preparasaun Timor-Leste   atu sai  membru ASEAN nian."

Eventus hanesan ida ne’e sei kontinua  halao iha Timor-Leste ho objective atu involve membrus husi governo no estadu nia funsionarius seniores sira  atu  komprendi  sa ida lós maka ASEAN  nia papel iha reuniaun no nia impaktu ba Timor-Leste nia dezenvolvimentu

Soru mutu ne’e  halo iha Salaun Nobre Ministériu dos Negósius Estranjeirus nian . Hahu iha tuko 8:30 dader . (*/falcao)